So bago a “Bai a Labi sa Bacolod” Marawi

Incoming Bai a Labi sa Bacolod

Ika sapolo ago telo ko Bulan a April 2017, na ipagidin so kadato o Bai a Labi sa Bacolod ko Lima ka Pumagsopa sa Marawi ko Bai sa Yaman a si Hadja Norfatmah Rosemiah Emma Mangaroma Panarondong Atar Moliya Yahya-Alonto. .

Sii khamasa-i so kipagidinenon sa Bacolod Chico, Marawi City.

So grar a Bai a Labi sa Bacolod na isesenggayanan a reko o Daet a karoma o Sharief Mohammad sa Buadi Sacayo a miyauna a Pamlian sa Marawi.

Sabap san na aya bo a makapenggerar sa Bai a Labi sa Bacolod ko Lima Pumagsopa sa Marawi na so muriatao o Daet ko kaatoriyan ko Taritib.

Si Daet (a wata o Sultan Sharief Mohammad sa Bacolod go so Sria) na piyangaroma o Sharief Mohammad sa Buadi Sacayo a miyauna Pamlian sa Marawi na mimbawata siran na pat: So Dayang-Dayang, so Miara, so Batingolo ago so Moliya a miyauna a Radiamuda sa Marawi.

So Dayang-Dayang (paganaya wata a babae o Daet go so Pamlian sa Marawi) na aya paganay a ma-Bai a Labi sa Bacolod.

Bai sa Yaman is the daughter of Datu Mauyag aka Sheik Omar and Bai Ponoan.

Aya ikadua a miya Bai a Labi na si Danggaolan (a wata o Miara a pagari o Dayang-Dayang.).

Na aya ikatlo a miyakatondog ki Danggaolan a Bai a Labi na si Hadja Momina Khusna (a apo o Batingolo a pagari o Dayang-Dayang ago si Miara.)

Na aya phakatondog sa telo anan a miya Bai a Labi na si Bai sa Yaman a wata I Sheik Mauyag Omar Yahya a wata I Mindamoao a wata I Moliya a miyauna a Radiamuda sa Marawi.

Samanoto na mithakimeg ko langono pat ka lokes a mbawataan o Daet ka so miyakapalaya siranden miyakasolot ko ko Bai a Labi sa Bacolod.

Si Sultan Dalomangcob sa Dansalan Camid Gandamra a ama o City Mayor sa Marawi a si Atty. Majul U. Gadamra na pitharoiyan:

“Giya kadatu anan a Bai a Labi sa Bacolod na aya bo a kigerar san na sombawataan o Daet go so Almarhum Pamlian sa Marawi.”

“Giyanan I sabapa sa miyakapipiraden ragun na ayaden a pephakasoloton na so mbawataan o Daet go so Almarhum Pamlian sa Marawi,” tigi Sultan Gandama.

“Lagidiyan mambo,” kabasa I Sultan Gadamra, “so gerar a Pamlian sa Marawi. Daa phakasoloton a roar ko Moriatao o Sharief Mohammad a miyauna a Pamlian sa Marawi ago si Daet.”

Si Sultan Gandamra na apo sekaniyan o Dayang-Dayang (miyauna a Bai a Labi sa Bacolod) a kaka wata o Sharief Mohammad Pamlian sa Marawi go so Daet.